Link açıqlığı

Odessada Zenaat birlikleri evinde elâk olğanlarnıñ hatıra aktsiyasına azırlıq köreler


Odessanıñ Zenaat birlikleri binasında yanğın

Odessada cumaertesi künü şeerde mayıs 2-de yüz bergen facialı adise-vaqialarnıñ yıllığı ile bağlı hatıra tedbirleri keçirilecek. Bunı Radio Svoboda bildire.

Tam bir yıl evelsi Odessanıñ Zenaat birlikleri evindeki yanğında onlarnen kişi elâk oldı. Yanğın «Ukrainanıñ bir olması içün» marşınıñ iştirakçileri ve Maydanğa qarşı çıqqanlar arasında yüz bergen çatışma vaqtında çıqtı.

Hatıra aktsiyaları ve diger tedbirlerden sebep şeerde bu künleri havfsızlıq tedbirleri quvetleştirildi. Mayıs 2-de Kulikovoye pole meydanında keçirilecek miting ciddiy bir seviyede nezaret etilecek. Er kes maden qıdırıcılarınıñ çerçivesinden keçmek kerek, yanında çanta olmaycaq.

Donbassta separatistlerge qarşı tedbirlerde iştirak etken Ukraina havfsızlıq hızmetiniñ «Alfa» mahsus bölüginiñ askerleri de nizamnı közeteler.

Radio Svoboda bildire ki, keçken bir qaç ay devamında Odessada yigirmige yaqın patlav yüz bergen edi. 16 adiseniñ cinayetçisini belgilediler. Beş terakt örgenilmedi. 31 insan qabaatlandı, 21 kişi qıdırıla. Daa 24 teraktqa yol berilmedi.

XS
SM
MD
LG