Link açıqlığı

«Azov» polku Qırımda onıñ askeri yaqalanğanını red ete


«Azov» batalyonınıñ askerleri Donetsk vilâyetiniñ Urzuf köyündeki bazada

Ukraina Milliy gvardiyasınıñ «Azov» polku Qırımda onıñ azası yaqalanğanı aqqında malümatnı red ete. Bu aqqında polknıñ Vkontakte içtimaiy ağındaki resmiy saifesinde aytıla.

«Azov» askeri istilâcı Rusiye tarafından vaqtınca işğal etilgen Qırımda terroristik akt azırladı kibi malümat daa bir provokatsiya ola ve kerçek ile iç bir alâqası yoq», – dep aytıla beyanatta.

Beyanatta qayd etile ki, «Azov» yalıñız Mariupol ve onıñ civarını imaye etmekte, ve Ukrainanıñ diger qısımlarında polk bölükleri yoq.

Qırım prokuraturasınıñ matbuat hızmeti bildirdi ki, «E» Merkeziniñ hadimleri Qırım prokuraturasınıñ binası yanında terakt keçirecek olğan «Azov» batalyonınıñ azasını yaqaladılar. Bundan ğayrı, onı 2014 senesi yazda Aqmescitte camini ateşke berüvde qabaaatlaylar.

XS
SM
MD
LG