Link açıqlığı

Saatnıñ esas haberi

İstanbulda mayıs 1-de politsiya hadimleri Taksim meydanınıñ civarında yüz bergen çatışmalarnıñ 140 iştirakçisini yaqaladı.

Radio Svoboda bildire ki, bu yerde Türkiye prezidenti Recep Tayip Erdoğannıñ raqibiniñ aktsiyasını keçirmege tırıştılar.

Numayışçılar bir vaqıtları Türkiyeniñ baş naziri olğan siyasetçini iyün saylavları arfesinde basqı qullanmasında qabaatlaylar.

Politsiya numayış iştirakçilerine meydanğa keçmege izin bermedi. Çatışmalar başladı. Politsiya hadimleri tarafına taş ve petardalar uçmağa başladı. Olar ise suv ve ağlatqan gaznı qullandılar. Çatışmalar neticesinde 18 numayışçı ve altı politsiya hadimi zarar kördi.

Mart ayında parlament tarafından qabul etilgen politsiyanıñ numayışçılarğa nisbeten vekâletlerini arttırğan qanun leyhasından soñ mayıs 1 aktsiyası eñ büyük narazılıq numayışı oldı.

Türkiye ükümeti bildire ki, Taksim meydanı barışıq narazılıqlar içün, «qanunsız çıqışlar» ise yasaq etile.

XS
SM
MD
LG