Link açıqlığı

Saatnıñ esas haberi

Matbuat vastaları: Aqmescitte ocalarnı numayışqa kelmege mecbur ettiler


Aqmescitte bazı yerli sakinlerni yolbaşçılar mayıs bir bayram yürüşinde iştirak etmege zorladılar. Bunı cuma künü, mayıs 1-de, QHA bildire.

Neşirniñ bildirgenine köre, Aqmescitte tasil saalarınıñ hadimlerinden biri dedi ki, tedbirge kelmegen ocalar mukâfatsız qala bile.

«Er kes istep kelmedi, reberlik bizni «bonus» parasız qaldırırmız dep, paradğa yolladı», – dep tekrarlay Qırım neşiri tasil saası hadiminiñ aytqanlarını.

Malüm olğanı kibi, Aqmescitte mayıs 1-de olıp keçken numayışlarda Qırım akimiyet organlarınıñ hadimleri, siyasiy firqalar, cemaat teşkilâtlarınıñ vekilleri iştirak ettiler, umumen 35 biñ kişi oldı.

Qırım Devlet şurasınıñ spikeri Vladimir Konstantinov bildirdi ki, onıñ fikirince, numayışta «tahminen 50 biñ adam» iştirak etti.

Qırım.Aqiqat saytı bildirdi ki, Aqmescitte yürüş ciddiy telükesizlik tedbirleri ile keçirildi. Aqmescitniñ bütün merkeziy soqaqları naqliyat içün qapatılğan ve DPS hadimleri tarafından nezaret etilgen edi.

Qırım reberligi etrafında madeniy qoralar qoyuldı. Mayıs bir numayışı içün kolonnalar şekillengen şeer soqaqlarını uquq qoruyıcılar sarıp alğan edi. Bu zonağa maden detekrolardan kirmek mümkün edi.

XS
SM
MD
LG