Kiyevde mayıs 1-de kommunistler keçirgen aktsiyada yaqalanğan gençlerni azat ettiler. Yaqalanğanlarğa nisbeten «kiçik yaramazlıq» maddesi boyunca memuriy protokollar tizildi.
Berilgen malümatqa köre, Kiyevde kommunistlerniñ aktsiyasında 19 insan yaqalanğan edi. «Ukrainskaya pravda» İçki işler nazirliginiñ matbuat hızmetine esaslanıp bildire ki, çatışmada zarar körgen militsiya hadimi hastahanege alıp ketirildi.
Uquq qoruyıcılarnıñ malümatına köre, Ulu Vatan cenkiniñ müzeyi yanında bir qaç genç qavğa çıqaracaq edi.
Kommunistler teşkil etken mitingge tahminen biñ kişi keldi. Aman-aman 6,5 biñ uquq qoruyıcı nizamnı közetmekte.
