Link açıqlığı

Qırğızistan sıñırcıları Batken rayonı Kara-Bak qasabasında aprel 30 künü Tacikistannıñ yedi vatandaşını yaqaladılar, olardan üçü – Tacikistan Cumhuriyetinde afyon nezareti boyunca Agentlikniñ hadimleri – ofitser ola, olarnen birlikte Qırğızistannıñ üç vatandaşı. Bunı Tacikistan Cumhuriyeti Devlet sıñır hızmetiniñ matbuat hızmeti bildire.

Onıñ malümatına köre, Tacikistannıñ doquz vatandaşı qanunsız sürette Qırğızistan territoriyasını terk etip, Qırğızistan vatandaşlarından 180 kilogram künesuvnıñ satın aluvı boyunca qanunsız añlaşmanı qabul etmege tırışqanlar.

Radio Azattık bildirgeni kibi, Qırğızistan sıñır hızmetiniñ yaqınlaşuvını körgen Tacikistannıñ eki vatandaşı, eki Qırğız vatandaşını yanına alıp ve maşinalarğa künesuv ile qutularnı yüklep, Tacikistan territoriyasından qaçtılar. Qırğız sıñırcıları Tacikistannıñ yedi vatandaşı ve üç Qırğızistan vatandaşını yaqaladılar.

İşbu malümatnı Radio Azattık Tacikistan hızmetine Tacikistan Cumhuriyetinde afyon nezareti boyunca Agentlikniñ temsilcisi tasdiqladı. Tacikistan tarafı bildirgeni kibi, Tacikistan Cumhuriyetinde afyon nezareti boyunca Agentlikniñ hadimleri 80 kg künesuv ile Qırğızistannıñ dört vatandaşını yaqaladılar.

Qaynaqnıñ sözlerine köre, «taqiqatçılar Kara-Bak qasabası ile sıñırdaş olğan Lakkon İsfarı köyüne kelgende, qırğız sıñırcıları olarnı yaqalağan ediler».

Qırğızistan Cumhuriyetiniñ Devlet sıñır hızmetiniñ malümatına köre, mayıs 2 künü işbu mesele boyunca Qırğızistan ve Tacikistan sıñır temsilcileriniñ körüşüvi keçirilecektir.

Aynı şu zamanda mayıs 1 künü Kara-Bak qasabasınıñ sakinleri Tacikistanda bulunğan semetdeşlerini azat etmege talabı ile miting keçireler. ​

XS
SM
MD
LG