Link açıqlığı

Aqmescitte Qırımtatar Milliy Meclisine binanı bergen «Qırım» fondu» hayriye teşkilâtına mahkeme tarafından maküm etilgen dört buçuq million rublelik memuriy para cezası – umumrusiye rekordı. Bunı Qırımnıñ medeniy asabalığı qoruvı boyunca Devlet komitetiniñ reis muavini Vâçeslav Zarubin bildirdi, – haber ete Qırım ükümetiniñ «ruporı» Krıminform saytı.

«Qırım» fondu» yuridik şahısqa nisbeten memuriy protokol boyunca apellâtsiya ve mahkeme nеtіcesinde 4,5 mln ruble qazanıldı. Umumruise rekordı ola», – dey Zarubin.

Memurnıñ sözlerine köre, Qırımtatar Milliy Meclisiniñ binası ХХ asırnıñ sanaiy mimarcılıq abidesidir. «Qırım» fondunı» inşaatnıñ lâyıq olmağan bir tarzda qullanılmasında qabaatlaylar.

Zarubin dey ki, yuridik şahıstan ğayrı, mahkeme fond reberi Riza Şevkiyevge 350 biñ rublelik para cezasını maküm etti, birazdan cezanı 100 biñ rublege eksilttiler.

O, «Qırım» fondu belgilengen cezanı ödеmegeni ve miqdarı «9 million rublege qadar arttırıla bilecegi» aqta bildirdi.

Yanvar 29-da Aqmescitte «Qırım» Fondu hayriye teşkilâtınıñ ekinci mahkemesi keçirilgen edi. Toplaşuvda Aqmescit şeeri Kiyev rayon mahkemesiniñ 4,5 million rublelik para cezasını bermek qararına şikâyet baqıldı.

Keçken sene noyabr ayında Qırımnıñ medeniy mirasnı qorçalav devlet komiteti memuriy protokolnı tizip, «Qırım» Fondu HT baş müdiri Riza Şevkiyev Rusiye Federatsiyası Memuriy bozuvlar kodeksiniñ 7.13 maddesi 1-inci qısmına köre («Rusiye Federatsiyası halqlarınıñ medeniy mirası obyektleriniñ saqlap qaluv, qullanuv ve devlet imayesi talaplarını bozuv») memuriy cinayet yaptı kibi qarar çıqardı.

XS
SM
MD
LG