Çarşenbe künü, aprel 29-da, Dnepropetrovsk «Dnepr» ve Donetsk «Şahtör»ı arasında Ukraina Kubı yarım finalı vaqtında mühlisler Rusiyede yaqalanğan beluros programmacı Kirill Silivonçikniñ azat etilmesini talap ete ekenler, büyük plakatnı asqanlar.
Vaqia yerinden fotoresimni cumaaqşamı, aprel 30 künü, Radıyo Svaboda belorus muarririyeti aşkâr etti. Büyük beyaz plakatta: «Kirill Silivonçiknı azat etiñ! Yaşasın Aqrusiye!» kibi sözler yazılğan edi.
Qırım.Aqiqat bildirgeni kibi, Kirill Silivonçik Rusiyede Qırımnı Ukrainağa qaytarmaq çağıruvı sebebinden eki yıllıq apis cezasına maküm etilgen.
Oña nisbeten Rusiyeniñ №205.2 maddesi («Terroristik faaliyetke çağıruv») boyunca cinaiy iş açıldı
Buña sebep – Kirillniñ Vkontakte ağında aşkâr etken Ukrainağa qol tutuv yazıları oldı.
Aprel 9 künü Moskva mahkemesi Kirillge eki yıllıq apis cezasını belgiledi.
