Link açıqlığı

«KrımSOS» cemaat teşebbüsi faaliyetiniñ yañı yönelişi – Qırım ve Qırımdan köçip kelgenlerniñ meseleleri ile oğraşaycaq haber merkezi.

«KrımInfo» – «KrımSOS» negizinde teşkil etilgen haber merkezi. Faallerniñ sözlerine köre, resursnıñ esas maqsadı – dünya toplulığı ve ukrain cemaatçılığını Qırım vaziyeti, qırımlılarnıñ meseleleri aqqında haberdar etmek, olğan problemlerni al etmektir. Resurs faaliyetine ecnebiy jurnalistler celp etilecek.

«Leyhamız bir qaç yönelişte çalışacaq. Biz Qırım vaqiaları aqqında aktual ve doğru malümatnı talil etecek ve tarqatacaqmız. Yalıñız haber degil, intervyü, bloglar ve ilâhre. Bunıñ ile yarımada aqqında maqale azırlamağa istegen ecnebiy jurnalistlerge de yardım etecekmiz», – dey «KrımSOS» cemaat teşebbüsiniñ koordinatorı Tamila Taşeva.

Onıñ sözlerine köre, iyün ayında leyhanıñ saytı işlep çıqarılacaq. Sayttaki malümat üç tilde taqdim etilecek. «KrımInfo» leyhası Demokratiya Destegi Poloniya-Kanada Programması çerçivesinde amelge keçirile. Maliye ceeti Poloniya Cumhuriyeti Tış işler Nazirligi ve Kanada tış işler, ticaret ve inkişaf Nazirliginiñ inkişafı içün Poloniya işbirligi programması çerçivesinde keçirilecek.

XS
SM
MD
LG