Link açıqlığı

Aprel 20-de Kiyevde taqdim etilgen neşirniñ adı «Qorqu yarımadası: işğal ketişatı ve Qırımda insan aqlarınıñ bozulması» oldı. Müellifler arasında – uquq qorçalayıcılar Sergey Zayets, Tatyana Peçonkik, Darya Sviridova, Olga Skripnik ve Aleksandra Matviyçuk, olar oquyıcılarğa kitapnı tanıttılar, dep haber ete Qırım.Aqiqat mühbiri.

«Bizim içün kitapnıñ yazılması içün soñki yıl devamında Qırımda olıp keçken adise-vaqialarnı toplamaq ve bir tertipke ketirmek müim edi. Bizler bu kitapqa «Qorqu yarımadası» adını berdik, çünki Qırımda andaki vaziyetke razı olmağanlarnı qorqutmağa tırışalar», – dep ayttı İnsan aqları malümat merkeziniñ idare yolbaşçısı Tatyana Peçonçik.

«Qorqu yarımadası» kitabınıñ müellifleri »
«Qorqu yarımadası» kitabınıñ müellifleri »

Onıñ aytqanına köre, dünya toplulığına işğal etilgen yarımadadaki vaziyetni tanıtmaq içün kitapnı halqara meydanlarda tarqatacaqlar.

Издание ««Qorq yarımadası» 4 bölümden ibaret: «Qırım işğali: zapt ketişatı», «Qırım Muhtar Cumhuriyeti ve Aqyar işğaliniñ halqara uquq tarafları», «İşğal aqibetleri: siyasiy taqipler sisteması», «Bir yıldan soñ: Qırımda insan aqlarınıñ bozulması».Cemi olaraq kitapnıñ 400 nushası neşir etildi. Al-azırda neşir müellifleri daa bir nushanı bastırmaq içün maddiy yardım qıdıralar. Neşirni İnternet ağında da derc etecekler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Qırım Rusiye nezareti altına keçken soñ yarımadada FSB hadimleri jurnalist, faal, cemaat erbaplarını sorğuğa çeke ve evlerinde tintüv keçire. Uquq qorçalayıcılar bunı «başqa fikir saipleri ile küreş» dep adlaylar.

XS
SM
MD
LG