Aqmescitte Baar ve Emek Bayramına bağışlanğan yürüşte 15 biñden ziyade insan iştirak etecek. Bu aqqında Qırım ükümetiniñ resmiy internet resursındaki haberinde aytıla.
«Saat 10:00-da başlanacaq bayram yürüşinde 15 biñ kişi iştirak etecek, olarnıñ arasında Cumhuriyetniñ akimiyet organlarınıñ hadimleri, siyasiy firqalar, cemaat teşkilâtlarınıñ vekilleri olacaq», – aytıla beyanatta.
Saat 9:00-da Kirov caddesinde (Samokişa soqağınıñ rayonında) bayram kolonnası toplanacaq ve şekillenecek, dep bildirdi ükümetniñ matbuat hızmeti.
Qırım.Aqiqat bildirgeni kibi, Keriçte tantanalı tedbirler devamında mayıs bayramları naqliyat areketi toqtatılacaq, içki satışı sıñırlanacaq.
