Link açıqlığı

İstilâcı devletniñ bütün yardımcıları qıtaiy Ukrainada «hoş» qarşılanacaq. Bunı Ukraina prezidentiniñ qırımtatar halqınıñ işlerinden vekâletlisi ve halq deputatı Mustafa Cemilev Qırım.Aqiqat mühbirine bildirdi. O, devlet hainliginde şeklengen Vasiliy Ganışnıñ mahkemesini izaatladı.

«O müim biri degil, amma Qırım Muhtar Cumhuriyeti parlamentiniñ deputatı olıp, Putinge Qırımnı Rusiyege qoşmaq muracaatınıñ qabul etilmesinde faal iştirak etti. Bu areketler Ukraina Cinaiy kodeksiniñ maddesinde bar, ve o mesüliyet çekmek kerek», – dedi Cemilev.

Qırım.Aqiqat bildirgeni kibi, Kiyevniñ Peçersk rayon mahkemesi devlet hainliginde şeklengen sabıq Qırım deputatı Vasiliy Ganışnıñ cezasını belgilendi – eki aylıq apis cezası. Ganış iyün 25 kününe qadar apiste oturacaq

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıkışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

XS
SM
MD
LG