Link açıqlığı

Qırımtatar Milliy Meclisi yarımadağa kelip, tamır halqnıñ Qırım işğalinden soñ vaziyetini örgenmege istegen Türkiye eyyeti ile qurulğan bağlardan memnün. Meclis reberligi emin ki, Türkiye alğan malümatlarnı doğru qullanır.

Bunı Qırımtatar Milliy Meclisi reisiniñ birinci muavini Nariman Celâl Qırım.Aqiqatqa bildirdi.

«Bizler Türkiye eyyeti ile bağlarımızdan memnünmiz. Bizler insan ve qırımtatarlar aq-uquqlarınıñ bozulması aqqında tarif etmege tırıştıq, umumen vaziyetni añlatmaq istedik», – dep ayttı Celâl.

«Bizler qayd ettik ki, Qırımğa kelgen ve Qırım şeerleriniñ soqaqlarını kezgen insan er şey yahşı olğanını tüşüne bile, iş adamları olğan qırımtatarlarnı da köre bile», – dep qayd etti o.

Celâlnıñ aytqanına köre, «qorqu duyğusı, jurnalistlernen qonuşmaq istemegeni ile bağlı «büyük «amma» bar, bunıñ neticesi – adamlarnı qaçıruv, öldürüv, apiske aluv, tintüv ve ilâhre».

«Bunı añlatmağa tırıştıq. Eyyet azaları azır olıp kelgenler. Olar tam sual berdiler... Mence, eyyet ziyaretinden dos-doğru neticelerni beklemek yañlıştır. Eyyetniñ vazifesi: farqlı malümatnı toplap, olarnı yollağan adamlarğa yetkizmey. Menim fikirimce, Türkiye Cumhuriyetiniñ reberligi alğan malümatnı doğru qullanıp olup», – dep ayttı Meclis reisiniñ birinci muavini.

Bazarertesi künü, aprel 27-de, Aqmescitke ğayrı resmiy Türkiye eyyeti keldi. Qırımtatarlarnıñ Qırımdaki vaziyetini ögrenecek olğan eyyetniñ erkânında alim ve uquq qorçalayıcılar bar. Türkiye eyyeti Qırımda aprel 30-ğa qadar bulunacaq.

XS
SM
MD
LG