Link açıqlığı

Ukraina prezidenti Petro Poroşenko «Natsizmni yeñüvniñ 70-inci yılı» medalini tesis etti. Bu aqqında devlet yolbaşçısınıñ resmiy saytında derc etilgen buyruqta aytıla.

Vesiqada qayd etile ki, medal «natsizm ile küreşkenlerniñ cesareti, cesürligi ve fedakârlığını, Vatannıñ azatlığı ve mustaqilligi oğrunda küreşini qayd etmek içün» tesis etildi.

Aprel 9-da Ukraina Yuqarı Radası 1939-1945 seneleri Ekinci cian cenkinde natsizmni yeñüvniñ ebediyleştirmesi aqqında qanunnı qabul etti. Qanunğa binaen, Ukrainada mayıs 8-de Ekinci cian cenkinde elâk olğanlarnıñ şerefine Hatıra ve barışıq künü tayin etilecek, onı er yıl qayd etecekler.

Mayıs 9 künü Ukrainada devlet bayramı sayıla – Ekinci cian cenkinde Natsizmni yeñüv künü.

XS
SM
MD
LG