Ukrainanıñ sekiz vilâyetinde vaqtınca köçip kelgenlerge yardım etmek içün cemaat teşkilâtlarından grant programmalarınıñ yarışı keçirilecek. Bunı PROON «Ukrainada memleket içinde köçip kelgen şahıslarnıñ içtimaiy ve iqtisadiy problemlerini al etüv» leyhasınıñ reberi Ruslan Fedorov aprel 29-da Kiyevde göñülli teşkilâtlarınıñ körüşüvinde bildirdi, – dep haber ete Qırım.Aqiqat.
Onıñ aytqanına köre, sermiya üç yönelişke ayırılacaq, olardan biri – ealige ruhiy ceetinden yardım, buña 280 biñ dollar belgilendi. Aynı para köçip kelgenlerge uquqiy yardım köstermek içün ayırıldı.
«Mında adamlar rastkelgen bir sıra uquq meselesi aqqında laf kete. Ve üçünci yöneliş – kiçik grantlar yarışı olacaq, ediye tahminen 120 biñ dollar olacaq ve barışıq qurulması ve cemiyetler derecesinde barışuv ile bağlı kiçik leyhalarğa berilecek», – dep ayttı Ruslan Fedorov.
Grant programmalarında iştirak etüv arizaları yaz başında açılacaq, lâkin teşkilâtçılar göñüllilerge leyhalarnı şimdiden yazmağa başlamağa tevsiye eteler.
