Ukraina prezidenti Petro Poroşenko UNESKO icraiy şurasınıñ nevbetteki toplaşuvlarında iştirak etecek Ukraina eyyetiniñ terkibini tasdiqladı. Eyyet terkibine yedi insan kirdi, olardan qırımtatarlarnıñ yetekçileri – Mustafa Cemilev ve Refat Çubarov.
Bu aqta Ukrana prezidentiniñ qırımtatarlarnıñ işleri boyunca vekâletlisiniñ matbuat hızmeti bildire.
Eyyet üç yılğa tizile, 2017 senesine qadar. Mütenasip avale devlet başınıñ saytında aşkâr etilgen.
«Qırım işğali vaqtında UNESKOda qırımtatar halqınıñ sedası ğayet emiyetlidir. Yarımadanıñ azat etilmesinden soñ da aktual olacaq», – deyler ofiste.
Mında şunı da qayd ettiler ki, UNESKO tasil, ilim, medeniyet, milliy medeniyetniñ inkişafı, medeniyet abideleriniñ qoruvı kibi meselelerni nezaret etmekte. Qırımda işbu saallarnıñ halqara toplulığı tarafından qorulması zarurdır.
