Keriç keçitinde maşina nevbetleri ep tizilmekte. Saba, aprel 20 künü, keçit limanlarında 1683 maşina tura edi.
Bu aqta «Deñiz müdirligi» teşkilâtında aytıla.
Müessiseniñ malümtına köre, «Kavkaz» limanında paromğa nevbetni 140 yengil maşina, 1 avtobus, 50 «Gazel» ve 80 yük maşinası, «Krım» limanında – 15 yengil ve 25 yük, 100 «Gazel», «Novorossiysk» – 215 yük maşinası, «Slavânsk-na-Kubani» – 889 yük, «Aeroport» meydanında – 168 yük maşinası tura.
Müdirlikte qayd etilgeni kibi, Keriç parom keçiti adetiy rejiminde çalışa. «Kavkaz – Qırım» yolağında «Glikofilousa III», «Krım», «Olimpiada», «Sevastopol» paromları yüre. «Kavkaz – Keriç deñiz ticariy limanı» – «Kerçenskiy-2» ve «Yeysk» paromaları qatnay.
