Gürcistan Azerbaycanğa Miheil Saakaşviliniñ yaqalanuvı ve Gürcistanğa qaytarıluvı aqta resmiy soravnı yolladı. Bu aqta Gürcistan Baş prokuraturasınıñ matbuat merkeziniñ başı Natia Suhiaşvili bildire, – haber ete Eho Kavkaza.
«Gürcistan prezidenti şimdi Bakuda olğanını bilemiz. Şunı bildirmege isteymiz ki, Gürcistan Baş prokuraturası Azerbaycanğa Miheil Saakaşviliniñ yaqalanuvı ve Gürcistanğa qaytarıluvı aqta resmiy soravnı yolladı», – dey Suhiaşvili.
Saakaşvili Baquğa sabıq prezident ve ükümet başlarınıñ körüşüvinde iştirak etmek içün keldi. O şunı qayd etti ki, Gürcistan akimiyeti onıñ Azerbaycan ziyaretine keder etecek oldı.
Öz nevbetinde «Gruzinskaya meçta» firqasınıñ azalarından biri – Gogi Topadze aytqanı kibi, Tbilisi resmiy Bakuğa Gürcistan prezidenti Miheil Saakaşvilini qabul etmege yasaq etip olamay.
