Kefe şeer şurasınıñ reisi Svetlana Gevçuk salı künü, aprel 28-de, kelecek sene şeerde «Arbiy şan şeeri» abidesiniñ qoyulacağı aqta bildirdi. Onıñ sözlerine köre, abideniñ tiklenmesine para vastaları 2016 senesi şeer bücetinde qayd etilgendir, – haber ete RİA Krım.
«Şimdilik 20 mln ruble kerektir. 2015 senesi bücetinde, teessüf ki, bu kibi masraflar qayd etilmegen. Bugün biz abideniñ yerini belgilemek, leyhanı tasdiqalmaq kerekmiz, bundan soñ kelecek sene bücetinden para ayırılmasını planlaştıracaqmız», – dedi Svetlana Gevçuk.
O şunı da qoştı ki, abideniñ yeri ve leyhası cemaat muşaveresi vaqtında tasdiqlanılacaq. Şeer akmiyeti abideni şeer kirişinde qoymağa istey.
Rusiye prezidenti Vladimir Putin 2015 senesi aprel 6 künü Kefe, Staraya Russa, Petrozavodsk, Groznıy ve Gatçina şeerlerine «Arbiy şan şeeri» unvanınıñ berilmesi aqta fermannı imzaladı. Böyle şeerlerde şeer tuğrası ve Rusiye prezidenti avalesiniñ metni ile abide qoyula.
