«Vozrojdeniye» fondunıñ tarafından keçirilgen cemaat nezaretiniñ neticelerine köre, vaqtınca köçip kelgenlerden aliy tasilni er biri alamaz. Bunı salı künü aprel 28-de «Qırım uquq qoruyıcı teşebbüsi» cemaat teşkilâtınıñ idare reisi Lüdmila Skvortsova bildirdi, – haber ete Qırım.Aqiqat.
«Mektep talebeleriniñ 24% tasilni devam etip, aliy oquv yurtlarına, köçip kelgen qorantalarınıñ ağır maliyeviy vaziyetinden sebep, kirmeycek ola. Er biri evelleri tasilniñ devam ettirmesine planları bar olğanını bildirgen edi», – dey Skvortsova.
Uquq qoruyıcı aytqanı kibi, işbu vaziyetni al etmek içün devlet seviyesinde köçip kelgen balalarnıñ yardımı boyunca bir programma olmalı. Ve, ekspertler qayd eteler ki, köçip kelgen aileler içün tasil meselesinde maliye tarafı pek emiyetlidir.
Qırım.Aqiqat qayd ekeni kibi, Ukrainada köçip kelgenlerniñ sayısı 1 million 228 biñ 90 insannı teşkil ete. Olardan, BMT malümatına köre, 154635 – baladır.
