Link açıqlığı

Keçken raatlıq künleri Aluşta sakinlerine «Yedinaya Rossiya — regionlılarnı» istifağa yollamaq talapları ile bağçalarda inşaat qurucılığına qarşı aktsiyanı keçirmege yasaq etiler.

«Tvoya gazeta» bildire ki, tedbirniñ keçirilmesi belgilengen meydanğa eki avtozak ve OMON hadimleri keldiler, meydan ise ondan ziyade politsiya hadiminiñ nezareti altında buluna edi.

Neşirniñ malümatına köre, tedbir şeer akimiyeti ile muzakere etilgen edi, lâkin bazar künü saba faallerge aktsiyanı keçirmek yasağı aqqında bildirdiler.

«Vazifelerini yapqan politsiya hadimleri Ğalebe Künü ile bağlı risalelerni tarqatqan bir qaç nefaqacını, milliy-azatlıq areketiniñ faalini yaqalap avtozakqa ozğardılar», – dep yaza gazeta.

Qırım.Aqiqat bildire ki, aprel 15-te Aqyarda politsiya hadimleri «Aqyarnı qorçalayıq» cemaat areketi faalleriniñ mitingini yaqaladılar. Olar «yerli akimiyetniñ işsizligine» qarşı narazılıq bildirmek içün Nahimov meydanında toplaşqan ediler.

XS
SM
MD
LG