Qırımtatar halqınıñ aq-uquqlarını qorçalav komitetiniñ koordinatorı, Qırımtatar Milliy Meclisiniñ azası Eskender Bariyev bildire ki, Qırımda qırımtatar iş adamlarınıñ ticaret noqtalarını yaqalar.
«Bir qaç kün devamında Tuvaq köyünde (Aluşta) 7 şahsiy ticaret noqtasını ateşke berdiler: qırımtatar iş adamlarına ait musafirhane, «Ay-Petri» qavehanesi, «Uyut» qavehanesi, ticaret noqtaları ve 4 maşinanı», – dep yazdı o Facebookta.
Uquq qoruyıcılardan bunıñnen bağlı resmiy malümatlar yoq.
Bildirgenimiz kibi, keçken raatlıq künleri Bağçasaray rayonında, Qırım musulmanları diniy idaresiniñ malümatına köre, camige «Molotov qarışmaları» atıldı.
