Link açıqlığı

Qırımda musulman iş adamı kilsege para berdi


Qırımnıñ Qarasuvbazar rayonında iş adamı, Bekir Çoban-zade adına milletlerara amanlıq hayriye fondunıñ tesisçisi Resul Velilâyev Qarasuvbazarnıñ Svâto-Nikolskiy katedral kilsesiniñ abadanlaştıruvına maddiy yardım kösterdi.

Bunı bazarertesi künü, aprel 27-de, Qırım musulmanları Diniy idaresiniñ matbuat hızmeti bildirdi.

«Ortodoks kilsesiniñ abadanlaştıruvına para sertifikatını musulman iş adamı papaz Maksimge aprel 24-te Qarasuvbazarda şeer camisiniñ tantanalı açılış tedbirinde berdi», – aytıla haberde.

Malüm olğanı kibi, iş adamı Resul Velilâyev Qarasuvbazar Cuma Camisini qurmağa teklif etken edi. Qurucılıq işleri bir buçuq yıl sürdi. Cuma Caminiñ tantanalı açılışına 500 insan keldi. Davet etilgenler arasında Qırımtatar Milliy Meclisi reisiniñ birinci muavini Nariman Celâl, Qırım baş naziriniñ muavini Ruslan Balbek ve Qırımnıñ Rusiye ükümetiniñ Milletlerara munasebetler ve sürgün olunğan grajdanlarnıñ işleri boyunca Devlet komitetiniñ yolbaşçısı Zaur Smirnov bar ediler.

XS
SM
MD
LG