Link açıqlığı

Saatnıñ esas haberi

Devlet sıñır hızmeti: mayıs bayramlarında qırımlılar qıtağa raat-raat kire bilecekler


Ukraina Devlet sıñır hızmeti bildire ki, mayıs bayramları devamında adiy vatandaşlar ukrain pasportını kösterip, Qırımdan memleketniñ qıtaiy qısmına raat-raat kirerler.

Bunı Devlet sıñır hızmetiniñ matbuat kâtibi Oleg Slobodân Qırım.Aqiqat mühbirine içki işler naziri Arsen Avakovnıñ aytqanlarını izaatlap bildirdi. O, mayıs bayramları işğal etilgen yarımadada Rusiye pasporını alğan adamlar qıtağa kiremezler, dep aytqan edi.

Slobodânnıñ qayd etkenine köre, al-azırda qırımlılar qıtaiy Ukraina ile memuriy sıñırdan Ukraina pasportını kösterip keçe bileler. Qırımda Rusiye tarafından berilgen pasportlar qabul etilmey, qıtağa olarnı kösterip kirmek imkânsız.

«Bu tek pasportlar degil, aydavcı şeadetnameleri ve diger vesiqalar da. Ukraina devleti olarnı vesiqa olaraq tanımay, ve bizler sıñır kontrolinde bu vesiqalarnı qabul etmeyik, çünki olar sahte sayıla», – dedi o.

Ukraina Devlet sıñır hızmetiniñ matbuat kâtibi dedi ki, sıñırcılar mayıs bayramları devamında Qırım ile memuriy sıñır nezaretini quvetleştirecekler. Onıñ aytqanına köre, bu tedbiler qıtağa kirgen vatandaşlarnıñ havfsızlığını arttırmaq, em de memuriy sıñırğa yaqın olğan yerlerniñ sakinlerini qorumaq maqsadı ile keçirile.

«Sıñır taqımlarınıñ sayısı arttırılacaq, naqliyat vastaları diqqatlı baqılacaq. Memuriy sıñırğa yaqın regionlarnı nezaret etecek sıñır taqımlarınıñ sayısı da arttırılacaq. Milliy taqımlar ve cemaat teşkilâtlarınıñ faalleri celp etilecek naqliyat teşkerüvi aqqında laf kete», – dedi o.

Ukraina içki işler naziri Arsen Avakov mayıs bayramları işğal etilgen yarımadada vesiqalarnı alğan Rusiye vatandaşları Qırımdan qıtaiy Ukrainağa kiremeyceklerini bildirgen edi.

XS
SM
MD
LG