Ukraina Baş prokuraturası Rusiyeniñ Qırım işğalinen bağlı vesiqalarnı Gaaga Halqara cinaiy mahkemesine (Felemenk) bermek içün azırladı.
Bunı Ukraina baş prokurorınıñ halqara uquq işbirliginden mesüliyetlisi Vitaliy Kasko «Ukrayinski novını» neşirine bildirdi.
«Yuqarı Radanıñ qararına binaen, olar (vesiqalar) ükümetke berilmeli. Olarnı azırladıq, çetel ekspertleri ile aqıl tanışamız...», – dep ayttı o.
Baş prokuratura kelecek afta (aprel 27-30 künleri) vesiqalarnı Nazirler şurasına bermek kerek. Bundan soñra Ukraina Halqara cinaiy mahkemesiniñ uquqını tanığanını bildirip, Qırım işğali aqqında malümatlarnı bermemli.
Gaaga mahkemesiniñ prokurorı malümatnı alıp, onı teşkermeli ve iş açılması aqqında qarar almalı.
Mart 15-te, Qırım statusı aqqında sahte «referendum» keçirilmesiniñ yıllığı arfesinde, «Rossiya 1» telekanalı «Qırım. Vatan yolu» filmini kösterdi. Rusiye prezidenti Vladimir Putin ve bir yıl evelsi yarımadada olıp keçken adise-vaqialarnıñ diger sımaları Qırımnıñ Moskva nezareti altında keçkenini tarif ettiler.
Baş nazir Arseniy Yatsenük Adalet nazirligine Putinniñ bu filmde aytqanları ile levhanı Halqara cinaiy mahkemege bermege avale etti.
