Link açıqlığı

«Avtolüks» şirketi işğal etilgen Qırımğa yolcu taşımalarına başladı


Qırım ile memuriy sıñırlardan birinde

«Avtolüks» ukrain şirketi resmiy saytında yañı hızmet aqqında bildire – Kiyevden Qırımğa yolcu taşımaları bar. Hızmet 2015 senesi aprel 26-da açıldı, Kiyev – Aqmescit yolu 800 grn tuta.

Şirket temsilcisi Qırım.Aqiqat mühbirine bildirdi ki, yocularnı 550 grivnağa «Kalançak» sıñırına qadar alıp keteler.

«Kiyevden saat 15:30-da çıqalar, «sıñırda» 4:30-da olalar. Bir buçuq saat pasport kontrolinden keçmesine berile, saba saat 6-da «sıñırdan» çıqalar. Anda (Qırım tarafından sıñırda – muar.) yolcularnı bunıñ kibi bir avtobus qarşılaycaq. Saba saat 6-da çıqıp, Aqmescitke saba 9-da kelip çıqalar.Qırım sıñırından yol fiyatı – 250 grivna», – dep ayttı «Avtolüks» şirketiniñ malümat bölüginiñ reberi Anna Prihodçenko.

Şirkette qayd eteler ki, pasport kontrolini yolcular özleri keçe, avtobus olmay, soñra yolcular sıñırlar arasındaki yolnı keçmek kerekler. Bagaj 50 kg-dan ziyade olmamaq kerek.

Kiyev reysleri er kün bar, şirket aynı reysler Qırımdan Kiyevge olğanını bildire.

2014 senesi mart ayında Rusiye Qırımnı işğal etken soñ qıtaiy Ukraina ve yarımada arasında memuriy, asılında ise – tam bir sıñır peyda oldı. Qırım vaqtınca işğal etilgen yer olaraq ilân etildi.

2014 senesiniñ soñunda Ukraina akimiyeti Qırım ile naqliyat alâqalarını toqtattı. Qıtağa barmaq içün yarımada sakinleri ya şahsiy naqliyattan, ya da taşımacılarnıñ hızmetinden faydalanmağa mecburlar.

Uquq qorçalayıcılar deyler ki, Ukraina akimiyeti naqliyat qamaçavını yapıp, devlet menfaatlarını tüşündi, lâkin adiy adamlarnıñ qolaysızlıqları ve zorluqlarını köz ögüne almadı.

XS
SM
MD
LG