Link açıqlığı

Ukraina Medeniyet nazirligi Qırımnıñ yadikârlıqları aqqında Wikipediadaki maqaleler yarışını teşkil ete


Ukraina Medeniyet nazirligi Qırımnıñ diqqatqa lâyıq yerlerine dair Wikipedia maqaleleriniñ yarışına teşebbüs köstere.

Bunı Ukraina baş nazir muavini, medeniyet naziri Vâçeslav Kirilenko Wikipediyacılar yarışınıñ ğaliplerini taqdirlev merasiminde bildirdi, dep haber ete Medeniyet nazirliginiñ matbuat hızmeti.

«Bizler «Wikipedia Ukraina» ile işbirligimizni devam etmek isteymiz. Teşebbüs köstergenimiz ve qoltutacağımız nevbetteki leyha «Ukrain Qırımınıñ yadikârlıqları» olacaq. Böyle bir ad altında bizler ukrain Wikipediasında maqaleler yazıp, Qırımdaki yadikârlıqlar aqqında malümat bermege ve fotoresimlerini yerleştirmege teklif etecekmiz», – dep ayttı nazir.

Nazirlikniñ malümatına köre, al-azırda Wikipediada Qırım aqqında ukraince yazılğan 3795 maqale mevcut, rusça eki qat ziyade. Nazirlik qayd ete ki, Qırımda 2059 yadikârlıq, Aqyarda – 670 bar. Olardan 63 danesi Milliy emiyet olğan medeniyet mirasınıñ yadikârlıqları devlet cedveline kirmekte, bunıñ kibi 23 yadikârlıq Aqyarda yerleşe.

XS
SM
MD
LG