Rusiye baş naziri Dmitriy Medvedev bazarertesi künü Qırımğa kele, mında Ulu Vatan cenki veteranları ile körüşecek ve Sovet arbiyleri abidesine gülçemberlerni qoyuv tedbirinde iştirak etecektir.
Rusiye ükümetiniñ matbuat hızmeti bildirgeni kibi, baş nazir muşavere keçirmek, Aqmescitte köy hocalığı şirketlerinden birini ziyaret etmek, Federal migratsion hızmetiniñ idaresini teşkermek niyetindedir.
Medvedev ile muşaverede Rusiye birinci baş nazir muavini İgor Şuvalov, Rusiye baş nazir muavinleri Dmitriy Kozak, Olga Golodets, Arkadiy Dvorkoviç, Sergey Prihodko, Aleksandr Hloponin, Qırımda daimiy temsilci Oleg Belaventsev, Qırım işleri boyunca nazir Oleg Savelyev, Rusiye Kommunikatsiya ve bağ Nazirliginiñ başı Nikolay Nikiforov, Qırım başı Sergey Aksenov ve Aqyar valisi Sergey Menâylo iştirak etecek.
Evel Aksönov aytqanı kibi, Medvedevniñ Qırımğa aprel 27 künü ziyareti vaqtında bir sıra programmanıñ maliye destegi muzakere etilecek.
