Link açıqlığı

Saatnıñ esas haberi

«Tsenzurağa yoq» yarışına qırımtatar matbuat vastalarına destek işlerini bekleyler


Jurnalist, «Tsenzurağa yoq» yarışınıñ iştirakçisi Aksinya Kurina «Tsenzurağa yoq!» Üçünci halqara yarışına qırımtatar matbuat vastalarına destek işlerini yollamağa çağırdı.

«Biz yarış saytında qırımtatar medialarına destek işlerini körmege ister edik. Yarışta qırımtatarca laf etkenlerni, qırımtatar matbuat vastalarına qol tutqan dizaynerlerni yarışta iştirak etmege çağıram. Pek müimdir, qırımtatar tilinde işlerni bekleymiz. Şiir, esse, rolik, radio içün ses yazıluvları. Qoşulıñız!», – dedi jurnalist Qırım.Aqiqatqa.

Aksinya Kurina
Aksinya Kurina

«Tsenzurağa yoq! Vatandaşlar serbest memleket oğrunda» üçünci halqara yarışı «Tsentr UA» cemaat teşkilâtınıñ faalleri tarafından keçirile. Yarışqa söz serbestligini qoruv, tsenzura ile küreş mevzularına bağışlanğan işler qabul etile. Üçünci Halqara yarışınıñ mahsus mevzusı – «Tsenzurağa yoq! Vatandaşlar serbest memleket oğrunda»: «İnsan aqları er şeyden üstün».

İşlerni yarış saytına yollamaq mümkün: www.stop-censorship.net.

Mart ayınıñ soñuna qadar ATR media-holdingi Rusiye qanunlarına köre kütleviy haber vastası olaraq öyle de qayd olamadı. Şirket Roskomnadzorğa vesiqalarını bir qaç kere bergen edi, lâkin olarnı farqlı sebeplerden keri qaytara ediler. Aprel 1-ge keçer gecesi ATR telekanalı, Lâle bala telekanalı işini toqtatmağa mecbur oldılar. «Meydan» ve «Lider» radioları da diñleyicilerinen sağlıqlaştılar. Reberlik telekanalnı qayd etmege tırışacağını bildirdi.

XS
SM
MD
LG