Link açıqlığı

Kiyevde raatlıq künleri keçirilgen Ucrazyans içtimaiy teşebbüs festivalinde «KrımSOS» cemaat teşkilâtı Rusiye tarafından işğal etilgen Qırım ve Ukraina şarqından köçip kelgenlerniñ balaları içün aqça toplavı boyunca hayriye aktsiyasını keçirdi.

«Belli qırımtatar ustası Rustem Skibin öz müellif örneklerini taqdim etti, köçip kelgenlerniñ balalarına resim yapuv içün zaruriy şeylerge aqça toplamaq maqsadımız ile ediye kartlarını yaptıq», – dey Qırım.Aqiqatqa cemiyet sualleri boyunca «Krım SOS» keñeşçisi Svetlana Оleynikova.

Festival devamında «Krım SOS» çadırında istidatlı köçip kelgenlerniñ işlerini satın almağa teklif etile edi.

«Bu kibi tedbirlerni keçirmege pek müim, köçip kelgenlerniñ özüne işançını arttırmaq, olarğa ukrain olğanını añlamağa yardım etmek, öz işi ile aqça qazana bilgenlerini köstermek», – tarif ete Qırım.Aqiqatqa Lugansk vilâyetinden köçip kelgen Kseniya Gorodnikova.

Ucrazyans içtimaiy teşebbüs festivali Pact halqara teşkilâtı yardımı ile Platfor.ma neşiriniñ teşebbüsi ile keçti.

BMT malümatına köre, Ukrainada köçip kelgenlerniñ sayısı 1,2 milliondan çoq isnannı teşkil ete.

XS
SM
MD
LG