Nepalda yüz bergen 7,9 magnitudalı zelzele neticesinde elâk olğanlarnıñ sayısı 618 insanğa qadar arttı. Bunı Reuters agentligi memleketniñ tış işler nazirligi bergen malümatına esaslanıp bildire, dep haber ete Radio Svoboda.
Amerika Qoşma Ştatlarınıñ Geologik hızmetiniñ malümatına köre, yer teprenüviniñ esas noqtası memleketniñ paytahtı Katmandadan şimal-ğarp tarafına 80 kilometrlik mesafede 15 kilometr terenliginde bulunğan edi.
Yüzlernen ev, şu cümleden 19-ıncı asırda qurulğan Dharahara külesi yıqıldı.
Yer teprenüviniñ sebebi Everestten kelgen çığ oldı. Nepal paytahtınıñ ava limanı qapatıldı, naqliyat alâqaları ve telefon bağı bozuldı, elektrikler kesildi. Pakistan ve İndistanda yer teprenüvi is etildi.
