Link açıqlığı

Qırımda mayıs bayramları veteranlar içün şeerlerara avtobuslarnı bedava yapmağa vade eteler


Qırımda «Krımavtoservis» müessisesi mayıs 3-12 künleri Ulu Vatan cenkiniñ iştirakçileri, saqatları ve olarnıñ yanında olğan adamlarğa Qırımnıñ şeerlerara avtobuslarğa bedava minmege imkân berecek.

Bunı cuma künü, aprel 24-te, naqliyat şirketiniñ matbuat hızmeti bildirdi, dep haber ete Krıminform.

«Bedava biletni almaq içün saqat ve cenk iştirakçisiniñ şeadetnamesini köstermek kerek. Ziyaret sayısı sıñırlanmaycaq. Avtostantsiya ve avtovokzallarnıñ reberleri hadimler ile işni teşkil etip, veteranlarğa nisbeten diqqatlı ve mesüliyetli yanaşmasını ögreteler», – aytıla haberde.

Qırımlılarğa hatırlatalar, bedava bilet berilmese, veteranlar Rusiye naqliyat nazirliginde ğalebeniñ 70 yıllığı ile bağlı şekillendirilgen tedbirlerniñ naqliyat teminlevi ştabına şikâyet ete bileler.

XS
SM
MD
LG