Qırımda Taras Şevçenkonı añma tedbirinde ukrain timsalleri içün mahküm etilgen Qırım faalleri Leonid Kuzmin ve Veldar Şukurciyev Kiyevge keldiler.
Faallerniñ Qırım.Aqiqatqa berilgen malümatına köre, olar qıtaiy Ukrainağa kelip, cemaat faaliyetini devam etmek içün küç alacaq olalar.
«Bizler serbestlik avasını almağa keldik. Bugün Qırımda bulunıp, bizler özüni ukrain toplulığından tış is etemiz, malümat qamaçavına oğradıq», – dedi Kuzmin.
«Bizler mında serbest fikir yürsetken eyi, müsbet insanlarnen laf etip, müsbet teessuratlar almaq içün bulunamız. Yañı küç ve quvanç ile Qırımğa qaytmaq içün teneffüs yapmaq kerek», – dep ayttı Şukurciyev.
Faaller Qırım tarafından yarımada kirişini nezaret etken Rusiye sıñırcıları olarnı serbest kirseteceklerine ümüt eteler, çünki olarnı evge kirsetmemek sebep yoq, dep tüşüneler qırımlılar.
Malüm olğanı kibi, faalller Aleksandr Kravçenko, Leonid Kuzmin ve Veldar Şukurciyev mart 9-da ukrain şairi Taras Şevçenkonı añma tedbirinde yaqalanğan ediler.
Mart 12-de mahkeme olıp keçti, faallerniñ ukrain timsallerini qullanğanlarından sebep cezası belgilendi. Mahkeme er bir faalni 40 saatlik mecburiy işler ile cezaladı.
