Link açıqlığı

Qırımnıñ Rusiye başı Sergey Aksönov Qırımtatar cemaat teleşirketiniñ teşkil etilmesi aqta fermannı imzaladı.

Mütenasip vesiqa Qırım ükümetiniñ resmiy saytında aşkâr etilgen.

«Qırım Cumhuriyeti ealisine tış ve içki siyaset, medeniyet, tasil, ilim, ruhiy ayat ve qırımtatar halqına ait olğan diger saa vaqiaları aqqında tez, doğru ve er taraflama malümatnıñ berilmesi içün Qırımtatar cemaat telekanalınıñ teşkil etilmesi maqsatqa uyğun olğanını qayd etem», – denile fermanda.

Vesiqağa köre, Qırım Cumhuriyeti milletlerara munasebetler ve sürgün olunğan grajdanlarnıñ işleri boyunca «Devlet komiteti»ne 2015 senesi aprel 30 kününe qadar Qırımtatar cemaat teleradiokompaniyası boyunca Şuranıñ teşkil etilmesi aqqında qarar leyhasınıñ işlep çıqarılmasını temin etmege avale etile.

Vesiqada aytılğanı kibi, Şura terkibini Qırım başı tasdiqlaycaq.

Aprel 1-den itibaren ATR yayınını toqtattı. Mart ayınıñ soñuna qadar ATR media-holdingi Rusiye qanunlarına köre kütleviy haber vastası olaraq öyle de qayd olamadı.

Şirket Roskomnadzorğa vesiqalarını bir qaç kere bergen edi, lâkin olarnı farqlı sebeplerden keri qaytara ediler. Aprel 1-ge keçer gecesi ATR telekanalı, Lâle bala telekanalı işini toqtatmağa mecbur oldılar. «Meydan» ve «Lider» radioları da diñleyicilerinen sağlıqlaştılar. Reberlik telekanalnı qayd etmege tırışacağını bildirdi.

ATR qapatılğan soñ cumhuriyetniñ akimiyeti cemaat qırımtatar telekanalını açmağa teklif etti. Olarnıñ fikirince, qırımtatarlar kerçek malümatnı almaq aqqını qullanacaqlar.

XS
SM
MD
LG