Link açıqlığı

Aprel 27-30 künleri Ankara şeerinde «Ukrainanıñ Avropa saylavı: Yevromaydan ve Ukraina soñ adiseleri» fotosergisi taqdim etilecek, mında Ukrainada 2014-2015 seneleri olğan vaqialar aqqında tarif etecek fotolar kösterilecek.

Bunı Qırım.Aqiqatqa Türkiyede Ukraina Elçihanesinde bildirdiler.

Sergi Ankaranıñ Yaqın şarq tehnikiy universitetinde (ÖDTÜ) ötkerilecek. Tedbir maqsadı – Ukraina vaqialarına türk toplulığınıñ diqqatını celp etmek.

Tedbir Türkiye Cumhuriyetinde Ukraina Elçihanesiniñ ve yerli ukrainliler yardımı ile keçirile.

Aprel 29 künü Türkiyede Ukrainanıñ fevqulâde ve vekâletli elçisi Sergiy Korsunskiyniñ çıqışı planlaştırıla. Tedbirde Ankara İçtimaiy ilimler universitetiniñ doktorı Filiz Tutku Aydın Bezikoğlu, Ukraina Milliy ilimler akademiyasınıñ T. G. Şevçenko adına Edebiyat institutınıñ hadimi Aleksandr Mihed çıqışta bulunacaqlar. Tedbir soñunda tögerek masanıñ keçirilmesi planlaştırıla

Evel Ukraina adiselerine bağışlanğan sergi İstanbulda keçti.

XS
SM
MD
LG