Rusiye Baş prokuraturası devlet hainliginde qabaatlanğan çoq balalı ana Svetlana Davıdovadan afu soradı, haber ete adliyecisi İvan Pavlov.
Davıdovağa nisebeten cinaiy iş mart 13 künü qapaldı, ondan qabaatlarnı alıp, reabilitatsiya aqqını bergenler.
Evel Svetlana Davıdova tevqifi içün tazminatnı talap etecegi aqqında bildirgen edi.
«Elde etilecek aqçalar içtimaiy programmalarğa ketsin», – dey o.
Yanvar 21-de Smolensk vilâyetiniñ sakinine qarşı Ukrainağa fayda ketirmek maqsadı ile yapılğan devlet hainligi boyunca cinaiy işni açtılar. Svetlana Davıdova 2014 senesi aprel ayında Ukraina elçihanesine muracaatta bulunıp, evine yaqın olğan arbiy bölükte askerler körünmegenini bildirgen edi. Onıñ fikirince, arbiylerni Donetskke yolladılar.
40 000 insan Rusiye prezidenti Vladimir Putinge Svetlana Davıdovanı azat etmek muracaatını imzaladı.
