Link açıqlığı

Meclis: «Qırımtatar halqınıñ statusı aqqında» Ukraina qanunı yardımı ile muayyen kârnı qazanmaq mümkün


Qırımtatar Milliy Meclisiniñ fikrine köre, Ukrainada «Qırımtatar halqınıñ statusı aqqında» qanun leyhasınıñ qabul etilmesinden temsiliy organ kârnı qazana bilir.

Bu aqta Meclis matbuat hızmetiniñ beyanatında aytıla.

Qırımtatar Milliy Meclisi, Qırım şimdilik ukrain akimiyetiniñ nezaretinde olmasa da, işbu qanun leyhasınıñ qabul etilmesine qol tuta.

«Bazıda keçikken ketişatlar bile faydalıdır», – dey Meclis reisiniñ birinci muavini Nariman Celâl.

Onıñ sözlerine binayen, Qırımda qırımtatarlarnıñ idare organları akimiyet tarafından taqip etile ve qıtaiy Ukrainada Meclis ve Qurultaynıñ serbest faaliyeti bir nümüne ola bilir.

«Şimdi qanun leyhasınıñ ameliy emiyeti aqqında aytmağa qıyın, amma qırımtatar halqınıñ aqlarını temin etmek meselesinde Ukrainanıñ ciddiy niyetlerini tasdiqlay», – dey Meclis reisiniñ muavini İlmi Ümerov.

Bıltır dekabr ayında qırımtatarlarnıñ statusınıñ qanuniy sürette qayl etilmesi boyunca iş komisiyası teşkil etildi, mında merkeziy akimiyeti organlarınıñ 35 temsilcisi ve mustaqil ekspert kirdi. Bu işnin başına Refat Çubarov keçti. Dört aydan soñ iş komissiyasınıñ temsilcileri eki qanun leyhasınıñ azırlanılması aqta bildirdiler: qırımtatarlarnıñ statusı aqqında ve Ukraina tamır halqları – qaray ve qırımçaqlar aqqında qanun leyhalarıdır.

XS
SM
MD
LG