Aqmescitte, cumaaqşamı, aprel 23-de, ağa-qardaş Ayvazovskiyler abidesi yanında adetiy «Hatıra çırağını yaq» aktsiyası ile «Ölmez qalpler» aktsiyası keçti. Qırım.Aqiqat mühbiri aytqanı kibi, böyleliknen qırımlılar ermeni halqınıñ genotsid qurbanlarını añdılar.
Genotsid qurbanlarını añmağa bir 150 insan keldi, olarnıñ arasında gençlerniñ sayısı çoq edi.
Aktsiya iştirakçileri 300 beyaz kürreni azırlap, üstüne vefat etken ziyalılarnıñ adlarını yazğanlar.
Aqşam, saat 20.15 (2015 senesiniñ timsali kibi) iştirakçiler kürreçiklerni kökke yollağanlar.
Malüm olğanı kibi, Aqmescitte aprel 24 künü ermeni mezarlığında genotsid qurbanlarına abideniñ tantanalı açılışı planlaştırıla. Abideni bütün Qırımdan kelgen hayriye vastalarına tiklediler.
1914 senesi aprel 24 künü İstambulda ermeni ziyalılarınıñ 800den ziyade temsilcisi yaqalandı, birazdan ise öldürildi. Genotsid qurbanlarınıñ umumiy miqdarı 1,5-2 mln insannı teşkil ete. Bu sebepten aprel 24 künü Ermenilerniñ genotsid qurbanlarınıñ hatıra Kününi qayd eteler.
