Qırımda belеdiyeler aprel 23 gecesi yollarnıñ tamirine başlamaq kerektir. Bunı Qırımnıñ şimdiki başı Sergey Aksenov Rusiye Federatsiyasınıñ Naqliyat nazirliginiñ federal yol agentliginiñ yolbaşçısı Roman Starovoyt ile körüşüvi vaqtında bildirdi.
Qırım ükümetiniñ matbuat hızmeti bildirgeni kibi, mütenasip avaleler yerli memurlarğa berildi.
«Bugün şeer akimiyetleri ve cumhuriyet belediyeleri gece yollarnıñ tamiri başlanacağı aqta söz berdiler. Yollarnıñ vaziyeti fenadır, vekâletli şahıslarğa müddet ve iş keyfiyeti aqta muayyen avale berildi. Er kes mesülieti aqqında haberdardır», – dey Aksenov.
Belli olğanı kibi, Sergey Aksenov yollarnıñ keyfiyetsiz tamiri sebebinden belediye hadimlerini maküm etmege söz bergen edi. Bu kibi bildirüvni o Starovoytnıñ Qırımğa yol tamirine 1,8 mlrd ruble berilmesi aqqında aytqanını izaatlap bildirdi.
