Aqyar sakinleri Ukraina ordusına 2 biñ dollar ve 1 biñ grivnanı berdiler.
Bunı «Povertaysâ jıvım» Orduğa yardım fondu Facebook saifesinde bildire.
«Lütfen, Aqyar Ukraina olğanını yazıñız! Bizni Rusiyege qoltutqan adamlarnı olaraq qabul etmeñiz! Anda yahşı insanlar çoq! Bizler bu «referendumlarğa» barmadıq! Bizler olarnıñ qanunsız olğanını añlay edik! Ukrainanıñ kerçek vatanperverleri mında!», – dep tekrarlay qırımlılarnıñ aytqanlarını göñülliler teşkilâtınıñ reisi Vitaliy Deynega.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
