Link açıqlığı

Qırımnıñ beş studentlerinden biri yarımadanı terk etip, Ukraina diplomını almağa qarar aldı. Umumen Qırımdan qıtaiy Ukrainağa oquşını devam etmek içün köçip ketken studentlerniñ sayısı aman-aman sekiz biñ kişini teşkil etti.

Bunı Ukraina tasil ve ilim nazirligi Qırım.Aqiqatqa bildirdi.

«Tasil meseleleri boyunca yekâne devlet elektron cedveliniñ malümatına binaen, 2014-2015 seneleri Qırım Muhtar Cumhuriyetinden I-IV derece akkreditatsiyası olğan aliy oquv yurtlarına 7977 student avuştırıldı, olardan 4254 kişi er künlik oquşqa», – dep bildireler nazirlikte.

Nazirlikniñ malümatına köre, işğalden evel Qırımda I-IV derece akkreditatsiyası olğan 36 oquv yurtu bar edi, anda 38 biñ student tasil alğan edi.

Ukraina Nazirler şurası qabul etkem qararğa binaen, ukrain aliy oquv yurtlarında Qırım studentlerine qoşma bücet yerleri berilecek.

XS
SM
MD
LG