Link açıqlığı

Çubarov: Strasbourgda Qırım işğaline qoltutqan Aqmescit şeer şurasınıñ yolbaşçısını kördiler


Qırımtatar Milliy Meclisiniñ reisi Refat Çubarov Strasbourgda Aqmescit şeer şurasınıñ yolbaşçısı Viktor Ageyevni kördiler, dep bildire.

Bunı Çubarov Facebookta yazdı.

«Haberi olmağanlar içün: Ageyev Qırım memurlarından birinciler safında işğal ve işğalcilerge qoltutttı, «referendumnı» azırlamağa yardım etti. Em ukrain hızmeti, em de alman tarafına şahsiy cezalarnıñ semereligi ile bağlı bir sıra sualim bar... Baqacaqmız...», – dep yaza Çubarov.

Ukraina sıñır hızmeti ve Aqmescit şeer şurası bu malümatnı ne tesdıqladılar, ne de red ettiler.

Rusiyeniñ Qırım işğalinden evel Aqmescit yolbaşçısı olğan Viktor Ageyev 2014 senesi sentâbr ayında yarımadada Rusiye qanunları boyunca keçirilgen saylavlardan soñ Aqmescit şeer şurasınıñ reisi olaraq saylandı.

2014 senesi mart ayında Rusiyeniñ Qırım işğalinden soñ Avropa Birligi, Amerika Qoşma Ştatları ve bir sıra diger memleket cezalarnı kirsetti – Rusiyege qarşı siyasiy ve iqtisadiy cezalar, yarımada işğaline alâqası olğan bir sıra Rusiye, Ukraina, Qırım siyasetçisi ve memurını cezaladılar. Bundan soñra Ğarp Ukraina şarqındaki vaziyet kerginleşkeninden sebep cezalarnı quvetleştirgen edi.

XS
SM
MD
LG