Link açıqlığı

Ukraina baş naziri Arseniy Yatsenük maliye naziri Natalya Yareskoğa «Qırım Evi» bücet programmasınıñ pasporını imzalamağa ve onıñ qurulmasına, em de qırımtatarlarnıñ sürgünlik yıllığınen bağlı tedbirlerniñ keçirilmesine para berilmesini tezleştirmege avale etti.

Bunı Nazirler şurasınıñ matbuat hızmeti bildire.

Beyanatta qayd etile ki, Yatsenükniñ bildirgenine köre, Ukraina ükümeti Kiyevde «Qırım Evini» tiklemek qararını keçken sene qabul etti ve sermiya devlet bücetinden berilmek kerek.

Baş nazir baş nazir muavini, Ukraina medeniyet naziri Vâçeslav Kirilenkoğa muracaatta bulunıp, qırımtatar sürgünliginiñ yıllığına bağışlanğan tedbirler keçirilmesi boyunca teşkiliy komitetni qurmağa emir etti.

Ukraina ükümetiniñ reisi qayd etti ki, bu meseleni qırımtatar halqınıñ milliy lideri Mustafa Cemilev ile muzakere etti.

Qırım.Aqiqat bildirgeni kibi, Qırım meselesinen oğraşqan bir sıra cemaat faali, teşebbüs, areket ve teşkilâtlarnıñ vekilleri Ukraina baş naziri Arseniy Yatsenükten bir yıl evelsi Rusiye tarafından işğal etilgen Qırımnı azat etmek içün bir sıra meselege Nazirler şurası tarafından diqqat ayırılmağanını izaatlamağa talap ettiler.

Cemaat erbapları Ukraina ükümetiniñ «Qırım Evi» devlet müessisesiniñ qurulması aqqında» qararı yerine ketirilmegenini qayd ettiler.

XS
SM
MD
LG