Qırımda 2015 senesiniñ birinci üç ayı devamında 5385 bala dünyağa keldi. Bunı Qırım ükümetiniñ matbuat hızmeti bildirip, 2773 oğlan ve 2612 qız doğğanını qayd ete.
Qırım adalet nazirliginiñ malümatına köre, aqımdaki seneniñ birinci üç ayında doğğan balalar 2014 senesiniñ aynı ayları devamında doğğanlardan ziyade oldı, keçken sene 5351 bala qayd etilgen edi.
2015 senesiniñ birinci üç ayı devamında Aqmescitte 1286 bala, Aqmescit rayonında 446, Kezlevde 336, Keriçte 315, Canköy rayonında 283 ve Kefede 274 bala dünyağa keldi.
Bundan ğayrı, 46 ekiz qayd etildi, olarnıñ altısı Aqmescit rayonında doğdı.
Qırımda 2018 senesine qadar doğuv derecesini arttıruv tedbirler Planına binaen, 2018 senesine qadar doğğan balalarnıñ sayısını 22 973 balağa qadar arttırmağa planlaştırıla.
