Qırım cumhuriyet universal ilmiy kütüphanesinde aprel 29-da «Krasnıy» sovhozınıñ külü yüreklerimizni çala» dersi keçirilecek. Kütüphane matbuat hızmeti Qırım.Aqiqatqa bildirdi ki, tedbirniñ maqsadı – Saraylı Qıyat köyünde (Mirnoye) «Krasnıy» sovhozındaki hatıra kompleksiniñ qurucılıq ketişatınen tanış etmek ve kontslagerniñ facialı tarihını añlatmaq.
Qırım Devlet şurasınıñ deputatı Gennadiy Babenko Ulu Vatan cenki vaqtında «Krasnıy» sovhozında yerleşken faşistler kontslageriniñ qurbanları olğan insanlarğa bağışlanğan hatıra kompleksiniñ leyhası aqqında tarif etecek.
Ülkeşınaslıq bölüginiñ mütehassısları «Pamât, oblaçennaya v granit» kitaplar sergisini, elektron imkânlar bölüginiñ mütehassısları ise «Cenk sedası. «Krasnıy» sovhozında kontslager» video levhasını azırlaycaqlar.
1942 senesiniñ baarinden itibaren 1944 senesiniñ baarine qadar anda, farqlı malümatlarğa köre, 8 biñden 15 biñge qadar insan öldürildi.
