Link açıqlığı

Devlet dumasında hostellerni narkomaniya ve terrorizmde şekleyler


Rusiye Devlet Dumasında hosteller ile küreşke çağırdılar. Devlet Dumasınıñ Mesken-kommunal hocalıq komitetiniñ reisi Galina Hovanskaya bildiri ki, onıñ fikirince, hosteller, «qomşu dairelerde oturğanlar içün telükeli ola bile», – dep haber ete «Dojd» telekanalı.

Onıñ aytqanına köre, mesken evlerdeki hostellerniñ «narkomaniya ve alkogolizm» ceetinden havfı ve terroristik telükesi bar.

«Hostellerde qaydsız ve añlaşmasız oturalar. Qomşular ise bunıñ kibi musafirhanelerde toqtalğanlar içün kommunal hızmetlerniñ parasını ödeyler», – dep ayttı Devlet Dumasınıñ komitet reisi.

İçki işler nazirliginiñ yolbaşçısı Vladimir Kolokoltsev bildirdi ki, nazirlik videokameralar, inspektor ve patrul hızmetleriniñ yardımınen hosteller ile küreşmekte. Nazir hostellerni «cinayetçilerniñ yeri» olaraq adlap, nazirlik ve deputatlar olarnen küreşeceklerini bildirdi.

«Hostel» sözü inglizceden «musafirhane» olaraq tercime etile. Hosteller ekseriyette daimiy sürette qalğan adamlarğa töşekten ğayrı bir şey bermey, odalarda bir qaç kişi qala.

XS
SM
MD
LG