Cumaaqşamı künü, aprel 23-te, Aqmecitniñ Merkeziy rayon mahkemesinde Qırımtatar Milliy Qurultayınıñ Teftiş komissiyasınıñ reisi Ali Özenbaşnıñ şikâyeti boyunca toplaşuv keçirilecek.
Bunı Özenbaş Qırım.Aqiqatqa bildirdi.
Şikâyet Özenbaşnı «ekstremistik faaliyet» yapılmasınıñ yasağı aqqında tenbiyelegen Aqmescit prokuraturası hadiminiñ areketlerinen bağlıdır.
Mahkeme toplaşuvı saat 14-ke belgilengen.
2015 senesi aprel 14-te mahkemege berilgen muracaatta aytıla ki, tenbiyelemek içün prokurornıñ «cinayet aqqında malümatı ya da delilleri olmalı».
Prokuraturanıñ tenbisi aqqında Özenbaş aprelniñ başında bildirgen edi. O, vesiqada aytılğanlarnı aydınlatıp, «Aqmescit prokuraturasınıñ Qırımtatar Milliy Meclisiniñ azaları tarafından ekstremistik aktsiyalar keçirilecek...» kibi malümatı bar olğanını ayttı.
