Link açıqlığı

Saatnıñ esas haberi

Aqmescitte qırımtatar haber agentliginiñ müdirini «E» merkezine çağırdılar


Gayana Yüksel
Gayana Yüksel

QHA qırımtatar haber agentliginiñ müdiri Gayana Yükselni aprel 22 künü Ekstremizmge qarşılıq merkezine («E» merkezi) çağırdılar.

Bunı o Facebookta yazdı.

«Taqiqatçılar Qırımdan köçken QHA agentliginiñ haber faaliyeti ile meraqlana edi. Bizim bozuluvımız, taqiqatnıñ fikrine köre, – qha.com.ua saytında Rusiyede 2014 senesi noyabr ayında yasaqlanğan eksremist teşkilâtları aqqında malümatnıñ olmasıdır».

Onıñ aytqanına binayen,subet neticesinde memuriy bozuluv aqta protokol tizildi, agentlikniñ müdiri ise şu bozuluvnı tanımay.

«Bu sebepten itirazlarımız, şu cümleden bu kibi malümatnıñ saytımızda daa 2014 senesinden evel bastırılğanı aqta deliller mahkemege taqdim etilecek», – dey Gayana Yüksel.

Agentlik Roskomnadzordan çalışuv iznini alıp olmağan Qırım matbuat vastalarınıñ sırasına kirdi. Bundan soñ haber agentligi qıtaiy Ukrainağa köçti.

XS
SM
MD
LG