Link açıqlığı

Saatnıñ esas haberi

Turkiye AQŞ prezidentini «genotsid» sözünden vazgeçmege çağıra


Türkiye akimiyeti AQŞ yolbaşçılığını ermenilerniñ kütleviy öldürilmesiniñ 100 yıllığı (aprel 24 künü) munasebeti ile çıqışında «genotsid» sözüniñ qullanılmasından siyasiy tabiatı olacaq qararlarnıñ peyda ola bilecegi aqqında tenbiyley, haber ete Golos Ameriki.

Türkiye Tış işler naziri Mevlüt Çavuoğlu Washingtonda öz Amerika zenaatdaşı John Kerri ile körüşecek ve prezident Barak Obama Birinci cian cenki vaqtında ermenilerniñ kütleviy öldürilmesiniñ yıllığı munasebeti ile çıqışında «genotsid» sözüniñ qullanmaması aqta añlaşacaq ola.

Ankara genotsid qabaatlarını kesen-kes lâğu ete ve insanlar grajdanlıq cenkiniñ qurbanları olğanını bildire,. Cenkte vefat etken türklerniñ sayısı da büyük edi. Faqat, bu afta baş nazir Ahmet Davutoğlu öldürilgen ermenilerniñ tuvğanlarına öz taziyelerini bildirgen edi.

Ankarada deyler ki, eger de genotsidniñ olması tasdiqlanılsa, bir sıra mahkeme ketişatlarınıñ açılması mümkün olacaqtır.

Evel Türkiye prezidenti Recep Tayip Erdoğan 1915 senesi Osman devletiniñ akimiyeti tarafından ermenilerniñ kütleviy öldürüvini genotsid olaraq adlağan Avropa parlamentini takbih etti. Kütleviy öldürilmesiniñ yüz yıllığı yaqınlaşqanınen Türkiyedeki ermeni azlığı arasında Erdoğannıñ Adalet ve inkişaf firqasınıñ siyaseti boyunca olğan suallerniñ sayısı ep arta.

XS
SM
MD
LG