Bu müteşem qadın aqqında çoq şey aytmağa mümkün. Onı kerçekten de sarsılmaz sabır, qaviy tabiat ve yeñilmez irade saibi olğan qırımtatar hanımı nümünesi olaraq adlamağa mümkün. Cazibe, Qırımnıñ zengin, itibarlı ailelerinden olğan yaşdaşlarından onı ayırğan esas hususiyettir. Er vaqıt maqsadına irişe edi, bunıñ ile mulâyimligi, merametligini coymay ve öz halqı içün faydalı olmağa areket ete edi.
Onıñ adı Sayde Müfti-Zade, asıl Balatukova.
Qırımtatarlar ve olarnıñ devletçiligi, Şarqiy Avropanıñ eñ nufuzlı devletlerinden biri – Qırım hanlığı tarihınıñ acınıqlı saifeleri – Qırım.Aqiqatnıñ yañı leyhası – Qırım tarihçısı Gülnara Abdullanıñ «Tuğra» adlı videoblogunda.
Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki aqiqatına olğan hususiy bir anahtardır.
Metn müelifi ve alıp barıcı Gülnara Abdulla, rejissörFatima Osmanova, operator ve montaj rejissörı Eldar Halilov, ğaye müellifi ve prodüsser Emine Ceppar.
Videoda meşur Qırım müellifleri ve icracıları Enver İzmaylov ve Afize Kasaranıñ muzıkası, Nizami İbraimovnıñ toplamından, Picture-russia, Islam.ru, Simferopolcity saytlarından alınğan resimler qullanıla.
Bloglar rubrikasında aydınlatılğan fikirler müelliflerge ait ve muarririyetniñ fikir-tüşünceleri ile aynı olmaması mümkün